Մասնաճյուղի հոգաբարձուների խորհուրդը ստեղծվել է վարչակազմի նախաձեռնությամբ և Մասնաճյուղի խորհրդի որոշման հիման վրա՝ նպատակ ունենալով ընդլայնել սոցիալական գործընկերությունը և զարգացնել մասնագիտական կրթության համակարգում հասարակական-քաղաքացիական կառավարման ձևերը։
Խորհրդի գործունեությունն ուղղված է Մասնաճյուղին աջակցություն ցուցաբերելուն՝ կանոնադրական խնդիրների իրականացման, ուսուցման և ուսանողների դաստիարակության գործընթացների կազմակերպման, կրթական ծառայությունների ներքին և միջազգային շուկաներում Մասնաճյուղի մրցունակության ապահովման, ուսումնական-մեթոդական համալիրի նյութատեխնիկական բազայի բարելավման, Մասնաճյուղի գործունեության ֆինանսական աջակցության, նորարարական գործընթացների զարգացման, ինչպես նաև տարածքային կառավարման մարմինների, հաստատությունների, կազմակերպությունների և ձեռնարկությունների հետ առավել արդյունավետ համագործակցության ապահովման ուղղություններով։
Հոգաբարձուների խորհրդի հիմնական խնդիրներն են՝
- աջակցել բարեգործական գործունեության իրականացմանը։
- աջակցել շարունակական կրթության համակարգի զարգացմանը, ուսանողների հոգևոր և բարոյական դաստիարակությանը, նրանց գործնական և մասնագիտական որակների ձևավորմանն ու կայացմանը,
- աջակցել կրթական գործընթացի կազմակերպմանն ու կատարելագործմանը, աշխատաշուկայի պահանջներին համապատասխան մասնագետների պատրաստման հեռանկարային ուղղությունների որոշմանը,
- աջակցել կրթական ծրագրերի բովանդակության արդիականացմանը՝ հաշվի առնելով պետական կառավարման մարմինների և գործարար համայնքի պահանջները,
- աջակցել Մասնաճյուղի գիտահետազոտական և նորարարական գործունեությանը,
- աջակցել շրջանավարտների պատրաստման որակի բարձրացմանն ուղղված հեռանկարային ծրագրերի ֆինանսավորմանն ու իրականացմանը,
- աջակցել արտաբյուջետային միջոցների ներգրավմանը՝ Մասնաճյուղի գործունեության ապահովման և զարգացման նպատակով,
- աջակցել ուսումնական նյութատեխնիկական բազայի կատարելագործմանը, Մասնաճյուղի սոցիալ-կենցաղային նշանակության օբյեկտների կառուցմանը, ժամանակակից պահանջներին և չափանիշներին համապատասխան սարքավորումների, նյութերի, համակարգչային և կազմակերպչական տեխնիկայի ձեռքբերմանը,
- աջակցել ուսանողների պրակտիկայի կազմակերպմանը և Մասնաճյուղի շրջանավարտների աշխատանքի տեղավորմանը,
- աջակցել պետական, հասարակական և գործարար կառույցների հետ համագործակցության զարգացմանը,
- աջակցել միջազգային կրթական, գիտական, տեխնիկական և մշակութային համագործակցության զարգացմանը,
- գնահատել Մասնաճյուղի գործունեությունը՝ կրթության, գիտական և նորարարական գործունեության ոլորտներում իրականացվող քաղաքականության արդյունավետության տեսանկյունից,
- աջակցել Մասնաճյուղի ուսանողների և պրոֆեսորադասախոսական կազմի սոցիալական պաշտպանությանը:
Հոգաբարձուների խորհրդի նախագահ՝ բարերար Վարդանյան Արման
